Hot News

JUST A MOMENT PLS! தமிழகத்தின் முன்னணி இலவச குறுந்தகவல்(SMS) சேவையில் பங்கு பெற கீழே உள்ள முறைப்படி பதிவு செய்யுங்கள்!!
  • கல்வித்துறை சார்ந்த இலவச SMS களை உடனுக்குடன் பெற ON TNKALVII என்று type செய்து 9870807070 என்ற எண்ணிற்கு அனுப்பி இலவச குறுந்தகவல்களை SMS வழியாக பெறுங்கள். type செய்யும்போது ON (one space)ஒரு இடம் விட்டு TNKALVII (no space) இடமின்றி type செய்து அனுப்ப வேண்டும். அதாவது ON TNKALVII என்று type செய்து 9870807070 என்ற எண்ணிற்கு SMS ஐ அனுப்ப வேண்டும். DND (Do NOT Disturb) சர்வீஸ்ல் உள்ள எண்கள் அதனை(DND) நீக்கிய பிறகே இச்சேவையை பெறமுடியும். தமிழக தொடக்கக்கல்வித் துறையின் முன்னணி வலைதளத்திலிருந்து தகவல்களை இலவசமாக உடனுக்குடன் SMS வழியாக பெறுங்கள்.
  • உடனடியாக தகவல்கள் E-MAIL வாயிலாக பெற கீழே உள்ள கட்டத்தில் உங்கள் E-MAIL IDஐ பதிவு செய்து பின்பு உறுதி செய்யுங்கள்!

    Monday, September 16, 2013

    படித்து பட்டம் பெறுவது 55 லட்சம் பேர் வடிகட்டி பார்த்தால் தேறுவது 15 சதவீதம்

    "ஆண்டுக்கு 55 லட்சம் மாணவர்கள் இங்கு படித்து பட்டம் பெறுகின்றனர். இவர்களில் 12 முதல் 15 சதவீதம் பேர் மட்டுமே, வேலை வாய்ப்புக்கு தகுதியானவர்களாக உள்ளனர்" என, இந்திய தொழில்கள் கூட்டமைப்பின் கோவை மண்டல தலைவர் சுந்தரராமன் பேசினார்.

    இந்திய தர வட்ட மன்றம் (குவாலிட்டி போரம் ஆப் இண்டியா) கோவை மைய துவக்க விழா நடந்தது. விழாவில் பங்கேற்ற இந்திய தொழில்கள் கூட்டமைப்பின் (சி.ஐ.ஐ.,) கோவை மண்டல தலைவர் சுந்தரராமன் பேசியதாவது:

    "சர்வதேச அளவிலான ஒப்பீடுகள், இந்தியாவுக்கு நற்சான்று வழங்கவில்லை. மோசமான நிலையில், இந்தியா நீடித்துக் கொண்டிருக்கிறது. பல சிறு, நடுத்தர தொழில் நிறுவனங்கள் இந்திய அளவில் கூட போட்டியில் பங்கேற்கவில்லை.

    சர்வதேச தொழில் போட்டியில் 133 நாடுகளுடன் ஒப்பிடுகையில், இந்தியா 49வது இடத்தில் உள்ளது. சுகாதாரத்தில் 107வது இடத்தில் உள்ளது. பொருளாதாரத்தில் பின்தங்கிய நாடுகளிலும் கூட சுகாதாரம் நன்றாக இருக்கிறது.

    ஆண்டுக்கு 55 லட்சம் மாணவர்கள், இங்கு படித்து பட்டம் பெறுகின்றனர். இவர்களில் 12 முதல் 15 சதவீதம் பேர் மட்டுமே வேலைவாய்ப்புக்கு தகுதியானவர்கள்; மூன்று சதவீதம் பேர் மட்டுமே திறமையானவர்கள்.

    "இந்தியா வேகமாக முன்னேறி வருகிறது; ஒட்டுமொத்த வளர்ச்சி விகிதம், நன்றாக இருக்கிறது" என, கூறுவதெல்லாம் எவ்வளவு தூரம் சரியானதாக இருக்கும் என்பதை மதிப்பிட முடியாது.

    தமிழகத்தின் ஒட்டுமொத்த வளர்ச்சி விகிதம் நான்கு சதவீதத்துக்கும் குறைவாகவே இருக்கிறது; தொழில் துறையில் பின்தங்கிய நிலையில் உள்ளது." இவ்வாறு, சுந்தரராமன் பேசினார்.

    No comments: