குமரி மாவட்டத்தில் 61 முதுகலை பட்டதாரி ஆசிரியர் காலியிடங்கள்

குமரி மாவட்டத்தில் 61 முதுகலை பட்டதாரி ஆசிரியர் காலியிடங்கள் இருப்பது தெரியவந்துள்ளது. தமிழ் 9, ஆங்கிலம் 7, கணிதம் 4, இயற்பியல் 6, வேதியியல் 6, தாவரவியல் 1, விலங்கியல் 7, உயிரியல் 3, வரலாறு 1, பொருளியல் 5, வணிகவியல் 2, அரசியல் அறிவியல் 2, மலையாளம் 1 காலியிடங்களும் உள்ளன.

முதுகலை ஆசிரியர்களின் பதவி உயர்வு கலந்தாய்வை, பதவி உயர்வுகளுக்கு பின் நடத்தியதால் குமரி மாவட்டத்தில் 21 பதவி உயர்வு காலி பணியிடங்கள் மாறுதலுக்கான வாய்ப்பு பணியிடங்களாக உருவாக்கப்பட்டுள்ளது.

குமரி மாவட்டத்தில் காலியாக உள்ள 54 முதுகலை ஆசிரியர், 7 உடற்கல்வி இயக்குநர் பணியிடங்கள் என 61 பணியிடங்களையும் வரும் ஜூலை 4, 5 தேதிகளில் நடைபெறும் கலந்தாய்வில் உட்படுத்திட வேண்டும் என்று தமிழ்நாடு முதுநிலை பட்டதாரி ஆசிரியர் கழக மாநில அமைப்பு செயலாளர் வள்ளிவேலு, மாவட்ட தலைவர் ராபர்ட்ஜேம்ஸ், செயலாளர் ஜெரோம் மிலாடு, மாநில துணைத்தலைவர் அலெக்சாண்டர் ஆகியோர் தமிழக முதல்வருக்கு அனுப்பியுள்ள மனுவில் தெரிவித்துள்ளனர்.