Hot News

JUST A MOMENT PLS! தமிழகத்தின் முன்னணி இலவச குறுந்தகவல்(SMS) சேவையில் பங்கு பெற கீழே உள்ள முறைப்படி பதிவு செய்யுங்கள்!!
  • கல்வித்துறை சார்ந்த இலவச SMS களை உடனுக்குடன் பெற ON TNKALVII என்று type செய்து 9870807070 என்ற எண்ணிற்கு அனுப்பி இலவச குறுந்தகவல்களை SMS வழியாக பெறுங்கள். type செய்யும்போது ON (one space)ஒரு இடம் விட்டு TNKALVII (no space) இடமின்றி type செய்து அனுப்ப வேண்டும். அதாவது ON TNKALVII என்று type செய்து 9870807070 என்ற எண்ணிற்கு SMS ஐ அனுப்ப வேண்டும். DND (Do NOT Disturb) சர்வீஸ்ல் உள்ள எண்கள் அதனை(DND) நீக்கிய பிறகே இச்சேவையை பெறமுடியும். தமிழக தொடக்கக்கல்வித் துறையின் முன்னணி வலைதளத்திலிருந்து தகவல்களை இலவசமாக உடனுக்குடன் SMS வழியாக பெறுங்கள்.
  • உடனடியாக தகவல்கள் E-MAIL வாயிலாக பெற கீழே உள்ள கட்டத்தில் உங்கள் E-MAIL IDஐ பதிவு செய்து பின்பு உறுதி செய்யுங்கள்!

    Wednesday, December 21, 2016

    13 மாவட்ட தலைநகரங்களில் சீமைக்கருவேல மரங்களை அகற்ற உத்தரவு

    பதிமூன்று மாவட்ட தலைநகரங்களில் உள்ள சீமைக்கருவேல மரங்களை 20 நாள்களுக்குள் அகற்றுமாறு, மாவட்ட ஆட்சியர்களுக்கு சென்னை உயர்நீதிமன்ற மதுரைக் கிளை செவ்வாய்க்கிழமை உத்தரவிட்டது. தமிழகத்தில் சீமைக்கருவேல மரங்களை அகற்றக்கோரி மதிமுக பொதுச்செயலர் வைகோ, மதுரை மாநகராட்சியின் முன்னாள் மேயர் எம்.பட்டுராஜன் உள்ளிட்ட பலர், சென்னை உயர்நீதிமன்ற மதுரைக் கிளையில் மனு தாக்கல் செய்திருந்தனர்.


    இந்த மனுக்கள் அனைத்தும் நீதிபதிகள் ஏ.செல்வம், பி.கலையரசன் ஆகியோர் அடங்கிய அமர்வு முன்பு செவ்வாய்க்கிழமை விசாரணைக்கு வந்தது. இதில், மதிமுக பொதுச்செயலர் வைகோ தாக்கல் செய்த மனுவில், சென்னை உயர்நீதிமன்ற மதுரைக் கிளையின் எல்லைக்கு உள்பட்ட 13 மாவட்ட ஆட்சியர்கள் எதிர் மனுதாரர்களாகச் சேர்க்கப்பட்டிருந்தனர்.

    இந்த மனுவை விசாரித்த நீதிபதிகள், 13 மாவட்ட தலைநகரங்களிலும் உள்ள சாலையோரங்கள், நீர்நிலைகள், காலிமனைகள், தனியார் நிலங்கள் போன்ற பகுதிகளில் இருக்கும் சீமைக் கருவேல மரங்களை 20 நாள்களில் வேருடன் அகற்றி அது குறித்த அறிக்கையை அந்தந்த மாவட்ட ஆட்சியர்கள் தாக்கல் செய்ய உத்தரவிட்டனர். இதேபோல, புதுக்கோட்டை, திண்டுக்கல் மாவட்டங்களில் குறிப்பிட்ட இடங்களில் வளர்ந்துள்ள சீமைக்கருவேல மரங்களை அகற்ற முறையே 4 மாதங்கள் மற்றும் 3 மாதங்கள் கால அவகாசம் வழங்கி உத்தரவிட்டனர்.
    Post a Comment