தமிழகத்தில் புகுந்தது எபோலா ! சுகாதார துறை அலர்ட் ஆகுமா?

ஆப்ரிக்க நாடுகளை மிரட்டி வரும் எபோலா வைரஸ் நோய் பாதித்த ஒரு வாலிபர் தமிழகத்திற்கு வந்தார். பப்புவாகுனியாவில் இருந்து தமிழகம் வந்த இந்த 26 வயது வாலிபர் தேனி மாவட்டத்தை சேர்ந்தவர் என்று தெரிய வந்துள்ளது. இந்த நபரை சென்னையில் பரிசோதித்த டாக்டர்கள் அவருக்கு தனி அறையில் தீவிர சிகிச்சை அளித்து வருகின்றனர். தமிழகத்தில் முதன் முதலாக அறிகுறி காணப்படும் நபர் நைஜீரியாவில் இருந்து வந்திருப்பதால் சுகாதாரத்துறை அலர்ட் ஆகி உள்ளது. மேலும் இந்த நோய் பரவாமல் இருக்க முனனெச்சரிக்கை நடவடிக்கை எடுக்க உத்தரவிடப்பட்டுள்ளது.

உலகை அச்சுறுத்தி வரும் புதிய எபபோலா நோய்க்கிருமி, ஆப்ரிக்க நாடுகளில் முதன் முதலாக பரவியது. குறிப்பாக நைஜீரியா, கென்யா, லைபீரியா மற்றும் ஐரோப்பிய நாடுகளில் சில பகுதிகளிலும் இந்த நோய் பரவி வருகிறது. ஆப்ரிக்க நாடுகளில் 961 பேர் உயிரிழந்துள்ளனர். ஆயிரத்து 117 பேர் பாதிக்கப்பட்டுள்ளனர். பல நாடுகளில் அவசரநிலை பிகடனம் செய்யப்பட்டுள்ளது. இந்த நோய் தாக்கத்தின் அறிகுறி, இருமல், காய்ச்சல் , தலைவலி, மேல்வலி இருக்கும். காயச்சல் பாதித்துள்ளவர்கள் உயிரிழக்க கூடும். சரிவர தடுப்பு மற்றும் நோய்க்குணமாக்கும் மருந்துகள் கண்டுபிடிக்கப்படவில்லை. <>அவசர நிலை பிரகடனம் : இந்நோய்க்கு எதிராக உலக சுகாதார அமைப்பு உலக சுகாதார அவசர நிலையைப் பிரகடனப்படுத்தியுள்ளது. இந்தியாவில் எபாலா நோய் இல்லை, யாரும் பீதி அடைய வேண்டாம் என லோக்சபாவில் மத்திய சுகாதார துறை அமைச்சர் ஹர்சவர்த்தன் தெரிவித்திருந்தார். இந்நிலையில், பப்புவாகுனியாவிலிருந்து சென்னை வந்த வாலிபருக்கு எபோலா வைரஸ் நோய் இருப்பது கண்டறியப் பட்டுள்ளதாக செய்தி பரவியுள்ளது. தேனி மாவட்டம் மேற்கு தெரு, குடுவாலைப்பட்டியைச் சேர்ந்தவர் பார்த்திபன் ( 26 வயது) . எமிரேட்ஸ் விமானத்தில் பப்புவாகுனியாவில் இருந்து தமிழகம் திரும்பினார். அப்போது அவருக்கு எபோலா நோய்க்கான அறிகுறிகள் இருந்தது கண்டுபிடிக்கப்பட்டது. அதனைத் தொடர்ந்து, ராஜீவ் அரசு மருத்துவமனையில் அனுமதிக்கப்பட்டார் பார்த்திபன். அங்கு நோய் பரவாவண்ணம் தகுந்த பாதுகாப்பு அம்சங்களுடன் அவருக்கென தனி வார்டு உருவாக்கப்பட்டுள்ளது. தொடர்ந்து மருத்துவர்கள் அவருக்கு சிகிச்சை அளித்து வருகின்றனர்.