ஊதியக் குறைகளை களைவதற்காக அமைக்கப்பட்ட மூவர் குழுவின் பரிந்துரைகள் அடிப்படையில் 89 அரசாணைகள் வெளியிட்ட பிறகும் தொடரும் ஊதிய முரண்பாடுகளைக் களைய வலியுறுத்தி தமிழகம் முழுவதும் ஆயிரத்திற்கும் அதிகமான இடங்களில் அரசு ஊழியர்கள் ஆர்ப்பாட்டங்களை நடத்தினர்.
இந்த ஆர்ப்பாட்டம் புதுக்கோட்டை மாவட்டத்தில் மாவட்ட ஆட்சியர் அலுவலகம், பொது அலுவலக வளாகம், நகராட்சி அலுவலம், வணிகவரித்துறை அலுவலகம், வேளாண்மை இணை இயக்குநர் அலுவலகம், தாலுகா அலுவலகங்கள், ஊராட்சி ஒன்றிய அலுவலகங்கள் உள்ளிட்ட ஐம்பதுக்கும் மேற்பட்ட இடங்களில் நடைபெற்றது.
மாவட்ட ஆட்சியர் அலுவலகம் முன்பு நடைபெற்ற ஆர்ப்பாட்டத்திற்கு தமிழ்நாடு அரசு ஊழியர் சங்கத்தின் மாவட்டத் தலைவர் கி.ஜெயபாலன் தலைமை வகித்தார். செயலாளர் சி.கோவிந்தசாமி, பொருளாளர் எம்.ஜோ~p, சுகாதாரப் போக்குவரத்து ஊழியர் சங்க மாநிலப் பொருளாளர் கே.நாகராஜன், சங்கத்தின் மாவட்ட நிர்வாகிகள் தி.நடராஜன், பி.ராஜசேகர், பி.பாரதி, சு.பக்கீர்முகமது, செ.வீரமணி, எம்.சுவாமிநாதன் மற்றும் கு.ராஜமாணிக்கம், ரவீந்திரன், யோகராஜன் உள்ளிட்ட பலர் கலந்து கொண்டனர்.
No comments:
Post a Comment